Галоўная

Круцыята Адной Інтэнцыі 
Фацімскі Сакратарыят пасля заканчэння Вялікай Фацімскай Навэнны запрашае  да Круцыяты Адной Інтэнцыі.
Сваёй малітвай ты можаш паспрыяць, каб надышоў трыюмф Беззаганнага Сэрца Марыі, каб у свеце запанавў супакой, а гэтым ты можаш уратаваць цэлыя народы.
Гэта залежыць ад  ТВАЁЙ МАЛІТВЫ!

 НАС ЯДНАЕ АДНА ІНТЭНЦЫЯ:
Каб Марыя была больш вядомая і каханая;
каб Яе Заклік з Фацімы пазнаў і выканаў свет”.

Сябры, як жа нас шмат, тых, што любяць Марыю ва ўсім свеце. Выразам гэта з’яўляюцца вашыя лісты, званкі, эмейлы, якія атрымлівае Фацімскі Сакратарыят, а асабліва Залатая Кніга Вялікай Фацімскай Навэнны, якая ўжо ў Фаціме. У гэтых сведчаннях шмат радасці, але таксама заклапочанасці, а нават болю. Вы пытаецеся і просіце аб парадах, што далей, што рабіць?

У Фаціме Наша Маці ўказала нам на Сваё Беззаганнае Сэрца, просячы аб суцяшэнні, паказваючы шлях уратавання для грэшнікаў, умову для супакою ў свеце, і прадказваючы трыюмф Свайго Беззаганнага Сэрца. У розных месцах нашай краіны мы збіраемся на супольнай узнагараджальнай малітве ў першыя суботы месяца. Ці, аднак, наш адказ з’яўляецца поўным на заклік Фацімскай Спадарыні? 

Вашы галасы і пытанні падказваюць, што яшчэ шмат трэба зрабіць. Таму мы запрашаем Кожнага і Кожную з Вас да Круцыяты Адной Інтэнцыі. Круцыяты, якая з’яўляецца запрашэннем да таго, каб з’яднаць нас у заклапочанасці, болю і радасці малітвы ў адной ІНТЭНЦЫІ: „Каб Марыя была больш вядомая і каханая; каб свет пазнаў і адказаўа на Яе Заклік з Фацімы”.

Натхненне гэтай духоўнай ініцыятывы мае сваю крыніцу ў пастырскім Лісце Епіскапату Польшчы ад 21 мая 2017 з нагоды 100 юбілею фацімскіх аб’яўленняў, у якім чытаем: „Адкажам жа на пасланне з Фацімы! Фацімскае пасланне няспынна скіраванае да ўсяго Касцёла. Адказ на пасланне з Фацімы выражаецца перш за ўсё ў практыкаванні першых суботаў месяца. Кожны, хто на працягу першых пяці суботаў у стане асвячальнай ласкі прыме св. Камунію, памоліцца частку ружанца, і будзе разважаць у еднасці з Марыяй над ружанцовымі таямніцамі ў інтэнцыі ўзнагароды за грахі свету, стане не назіральнікам, а актыўным удзельнікам гэтага паслання”.

Круцыята Адной Інтэнцыі – гэта запрашэнне да вольнай адносна месца, часу і формы малітвы, пакуты і ахвяры, але заўсёды ў адной дакладнай ІНТЭНЦЫІ.
A таму, як дзеці Марыі, з’яднаемся ў супольным клопаце, робячы тое, што ў нашых сілах, і будзем узносіць ускліканні да Бога ў гэтай адной ІНТЭНЦЫІ. Ахвяруй, учыні, зрабі якое-небудзь духоўнае дабро – тое, што будзе магчымым для Цябе ў дадзеным месцы і часе – узбуджаючы гэтую адну дакладную ІНТЭНЦЫЮ. Малітва – нават у форме кароткага закліку да Бога, дзе заўгодна і калі заўгодна, але заўсёды ў гэтай адной ІНТЭНЦЫІ. Ахвяруй пост, нейкі пакутны ўчынак  ці справы міласэрнасці ў гэтай адной ІНТЭНЦЫІ.

Дарагі Брат і Сястра, не пытайся ці гэта трэба рабіць кожнага дня, раз на тыдзень, а можа раз у месяц. Гаворка не ідзе пра колькасць, не з’яўляецца важным месца або дзень тыдня – гаворка ідзе пра тое, каб сэрцам рабіць тое, што для цябе ў дадзены час магчыма, хаця б тое маленькае зярнятка дабра раз у год, але з думкай менавіта пра гэтую ІНТЭНЦЫЮ, якую сфармуляваў сам Езус, пра што казала Маці Божая ў Фаціме.

Калі гэта магчыма, даць сведчанне іншым, як узаемнае ўзмацненне для Кожнага за нас, прышлі сваё
IМЯ, адрас MЕСЦА ЖЫХАРСТВА і нататкай  АДНА ІНТЭНЦЫЯ. (Можна поштай на адрас Фацімскага Сакратарыяту або эмейлам jednaintencja@smbf.pl ці са старонкі www.jednaintencja.pl, пытанні можна таксама дасылаць на адрас адміністрацыі старонкі
fatimskayanavenna@gmail.com).

Дар Фацімскага Сакратарыяту для кожнага, хто далучаецца да Круцыяты Адной Інтэнцыі:
* У інтэнцыі кожнага з Вас у першыя суботы месяца на працягу ўсяго года будзе адпраўляцца св. Імша ў Санктуарыі Фаці Божай Фацімскай у Закапаным.
* Акрамя гэтага, у канцы кожнага года, спісак усіх асоб, якія прымаюць удзел у Малітоўным Штурме ў Адной Інтэнцыі будзе складзены ля стоп фігуры Маці Божай у Фаціме ў Капліцы Аб’яўленняў і будзе адпраўлена св. Імша ў іх інтэнцыі з просьбай аб Божым Бласлаўленні і апецы Маці Божай Ружанцовай з Фацімы.

Будзьма разам, Шаноўныя, аб’яднаныя адной ІНТЭНЦЫЯЙ: „Каб Марыя была больш вядомая і каханая; каб Яе Заклік з Фацімы пазнаў і выканаў свет”.
НЯХАЙ ТВАЁ БЕЗЗАГАННАЕ СЭРЦА ЗМЕНІЦЬ СВЕТ!