Як выглядае Вялікая Фацімская Навэнна?

Навэнна працягваецца дзевяць гадоў: ад 13 мая 2009г. да 13 мая 2012 г.. Ёсць два колы ўдзелу.

Першы гэта тыя, што абяцалі Маці Божай асабісты абавязак чування ў гэты час пры Яе Сэрцы. Іх імёны будуць урачыста складзеныя на месцы аб’яўленняў у сотую гадавіну прыйсця Марыі да Фацімы. Гэтыя асобы будуць атрымліваць усялякую патрэбную дапамогу для ўдзелу ў Навэнне: матэрыялы, інфармацыю пра сустрэчы, новыя выданні і г.д.

Другая група гэта тыя, што, па прычыне розных перашкод і цяжкасцяў, прымаюць удзел у Навэнне абмежавана. Іх удзел у Навэнне таксама каштоўны, і кожны з іх таксама атрымае патрэбную дапамогу, перш за ўсё нашую малітву.

Як маліцца падчас навэнны?

Асобныя гады былі падзеленыя паводле найважнейшых пунктаў фацімскага паслання. У межах Навэнны будзем разважаць галоўныя заклікі, якія праз Беззаганнае Сэрца Марыі кіруе да нас Бог. На працягу чарговых дзевяці гадоў шэсць фацімскіх месяцаў (май – кастрычнік) будуць нагодай для прыняцця дакладных парадаў, звязаных з галоўным дэвізам году.

Кожны год 2009-2017 мы падзялілі на перыяды моцныя і слабыя. Першыя гэта перыяд ад мая да кастрычніка (час аб’яўленняў у Фаціме). У гэты час збіраемся, наколькі гэта магчыма, у супольнасці тых, што прагнуць стаць “новым пакаленнем” і ў першую суботу месяца ўрачыста спаўняць просьбу Маці Божай аб суцяшэнні Яе зраненага Сэрца, а 13 дня кожнага месяца супольна адпраўляем урачыстае фацімскае набажэнства. У іншыя месяцы не перастаем чуваць пры Беззаганным Сэрцы Марыі ў першыя суботы і (дзе гэта магчыма) адпраўляць фацімскія набажэнствы. Гэта, перш за ўсё час асабістай малітвы, медытацыі і чытання, а таксама казання іншым пра Фаціму і дзялення сведчаннем сваёй марыйнай веры.

На працягу Вялікай Фацімскай Навэнны усю працу і клопаты ахвяруем ва ўзнагароджваючай інтэнцыі Беззаганнаму Сэрцу Марыі. Як мага часцей молімся на ружанцы, вучымся гэтай малітве паводле парадаў Яна Паўла II з “Rosarium Virginis Mariae”. Як мага часцей абуджаем у сабе інтэнцыю Вялікай Фацімскай Навэнны: прыспешванне часу спаўнення вялікіх абяцанняў Фацімы. Штодзённа чытаем малітву Вялікай Фацімскай Навэнны.

Марыя сказала: “Езус хоча, каб я была больш вядомая і каханая”. І наколькі гэта магчыма, падчас Вялікай Фацімскай Навэнны паглыбляем праўду пра Марыю і вучымся жыць у коле святла, які Яе агарняе.